Naša Sloga, broj 38 (1906)
Fr. Ča je istina Jurino, da se je Martinšćinski ancijan udelal poprdilo?
Jur. Kako ne, tako mi je rekel Dumina, da seda na butigi piše sve talijanski.
Fr. To je valjda udelal da ga bolje razume Vidošćani i Grmovšćani!
Jur. Ni zato ne, već zato, ča su ga učinili za ancijana, pa da se dobar udela onim va Crese.
Fr. Ma od kad ga ja poznam on se je držal Hrvat.
Jur. Je, je, ma od kad se je udelalo društvo i kako je ostal ancijan on se je prodal onim va Crese.
Fr. Onda tim judem dobro stoji da imaju takovih judi.
Jur. Dobro, dobro, zač da bi hodeli votat va Cres, bi se jeden put liberali od takovih judi.